Il-festa tal-Madonna tar-Ruzarju hija festa li fiz-zewg parrocci tigi ccelebrata b'mod sabih u devot. Fil-parrocca ta' San Gorg, il-festa tigi ccelebrata (igifieri tohrog il-purcissjoni fil-jum tal-Hadd tal-gimgha li fil-Knisja Universali tkun se tigi ccelebrata l-festa tar-Ruzarju, waqt li fil-parrocca ta' San Sebastjan, il-purcissjoni tohrog fil-jum propja taghha, igifieri fis-7 t'Ottubru. F'dawn il-purcissjonijiet ikun hafna nies li huma devoti jimxu wara x-xbiha tal-Madonna fejn waqt il-purcissjoni tinghad it-talba tar-Ruzarju. Il-purcissjonijiet jispiccaw bil-Barka Sagramentali.

Il-Vara tal-Madonna tar-Ruzarju li juzaw il-parrocca ta' San Gorg hija xoghol mill-isbah tal-bravu Karlu Darmanin (1825- 1909), maghmula bil-kartapesta fl-1860. Saret taht il-kappillan Dun Salv Schembri (1785-1863) u thallset mill-Fratelli tar-Ruzarju li gabru ghalija bejniethom. Fi 23 ta' Jannar 1862, b'digriet tal-Isqof Gaetano Pace Forno, inghataw 40 jum ta' indulgenza lil kull min jghid "Salve Regina" quddiem din l-istatwa. Qabel l-1860 kien hemm statwa ohra tal-injam li kienet ga tezisti fl-1686 u tiehu sehem fil-processjoni kif ukoll dik ta' ewwel Hadd ta' Mejju. Hasra li ma nafux x'gara minnha din l-istatwa tal-injam. Din kienet l-ewwel Vara processjonali f'Hal Qormi u wahda minn tal-bidu nett f'Malta. Fil-25 ta' Jannar, 1960 kien gie decis sabiex tigi indurata l-Istatwa u ghal dan il-ghan Manuel Debono kien offra l-ewwel ghajnuna fi flus. Ghalhekk fil-1964 giet indurata l-istatwa mill-gdid u fl- 1982 gie indurat ukoll il-pedistall.